ഹൃദയമൊരത്ഭുത ജാലകം
അതു തുറന്നാല്‍ എന്നാത്മകാവ്യം
അതു തുറന്നാല്‍ എന്നാത്മകാവ്യം
മിഴിനീരില്‍ മുക്കിയ മഷിത്തണ്ടാല്‍ അടുക്കീ
ആയിരം താളിലായ് അക്ഷരങ്ങള്‍
പ്രണയമാം തൂലികയാലെഴുതീ പലകുറി
എന്നാത്മ നൊമ്പരങ്ങള്‍ ഗദ്ഗദങ്ങള്‍
ആദ്യാനുരാഗം ബീജാക്ഷരങ്ങളായ്
ആത്മാവിന്‍ പുസ്തത്തിന്‍ ഏടുകളില്‍
മാനസഭാവങ്ങള്‍ ലിപികകളാകവേ
എന്തേയെന്‍ മഷിക്കുപ്പി വീണുടഞ്ഞു
എന്തിനായാതാളില്‍ പടര്‍ന്നലിഞ്ഞു
ഹൃദയസ്പന്ദനങ്ങളെ പ്രേമത്തിന്നിഴകളാല്‍
കോര്‍ത്തൂ പൂവണി ഒരു നാളില്‍
അതു നിന്‍ മാറില്‍ അണിയിക്കാനണയവേ
എന്തേയെന്‍ വിരല്‍ത്തുമ്പു പതറി
എന്തിനായാമാല്യം ചിതറി
നിന്നന്തരാത്മാവിന്‍ ചേണാര്‍ന്ന ഭാവങ്ങള്‍
പകര്‍ത്തീ സ്നേഹഗാനങ്ങളില്‍
അതു നിനക്കായൊന്നു ശ്രുതിചേര്‍ത്തുപാടവേ
എന്തേയെന്‍ധ്വനം തരളിതമായ്
എന്തിനായാനാദം അപശ്രുതിയായ്
conveys its meaning well...nice one:)
ReplyDeletei have also written something on similar lines of thought..but not upto the mark though ;)